काठमाडौं । नायिका वर्षा राउतसहितका कलाकार यूरोपमा सांगितिक प्रस्तुतीको लागि जाने भएका छन् । उनीहरु दशैंलगत्तै यूरोप टुरमा जाने तय भएको हो ।
यूरोप टुरमा गायक सुगम पोखरेल र गायिका तृष्णा गुरुङ पनि हुनेछिन् । उनीहरु असोजको २७ देखि कात्तिकको ७ गतेसम्म युरोप यात्राका लागि जाने भएका हुन् । पिस एन्ड ब्यूटिफूल चिल्र्डेन वेलफेयरको आयोजनामा उनीहरुले यूरोपका विभिन्न देशमा सांगीतिक कार्यक्रम गर्ने भएकाछन् । कार्यक्रम डेनमार्क, बेल्जियम र पोर्चुगलमा आयोजना हुनलागेको हो ।
कार्यक्रमको मुख्य उद्देश्य देशमा रहेका निमुखा तथा असाहय बालबालिकाहरुको आधारभूत आवश्यकता पूरा गर्नु र शिक्षादिक्षामा सहयोग गर्नु रहेको छ । गायक–गायिका र नायिकाले थोरै पारिश्रमिक लिएर यस कार्यक्रममा सहभागी हुन लागेको बताए ।
