ललितपुर । गोदावरी खोला क्षेत्र सरसफाई अभियान वर्षाका बाबजुद समेत भएको छ । छ महिनायता हरेक हप्ता हुँदै अएको सरसफाई १४ भदौको विहान वर्षाका बाबजुद समेत गरिएको छ ।
गोदावरी खोला सरसफाई अभियानसम्बन्धि संघसंस्था, नेपाल प्रहरी, सशस्त्र प्रहरी, स्थानीय जनप्रतिनिधि, स्थानीय बासिन्दाको सहभागिता रहेको कार्यक्रममा खोला वरपरको फोहोर उठाइएको थियो । राष्ट्रिय गानबाट शुरु गरिएको कार्यक्रममा खोला सफाई सम्बन्धि नारा समेत लगाइएको थियो ।
महिला एवम् बालिबालिकाको पहलमा गोदावरी खोला क्षेत्र साप्ताहिक सरसफाई अभियान चल्दै आएको छ । उपत्यकामा बग्ने नदी र खोलामध्ये सबैभन्दा संरक्षित र सफा खोलाका रुपमा परिचित गोदावरी खोलालाई फोहोर हुन नदिन स्थानीयहरु अहिले देखि नै सचेत भई लागेका छन् । तस्बिरः रिपोर्टर्स नेपाल
