काठमाडौं । बर्दिया जिल्लाको बारबर्दिया नगरपालिका रानीपुरमा गैँडासंग जिस्कने तीन जना घाइते भएका छन् । आज बिहान बारबर्दियास्थित कुसुम्बाघाटमा नवनिर्मित झोलुङे पुल हेर्न गएका तीन जना गैँडाको आक्रमण परेका हुँन ।
आक्रमणबाट तीन जना घाइते भएकामध्ये दुई जनाको अवस्था गम्भीर भएपछि उपचारका लागि बाँके कोहलपुरस्थित शिक्षण अस्पतालमा लगिएको छ ।
आक्रमणबाट बारबर्दिया नपा–४ का ३९ वर्षीय रामप्रसाद थारु, सोही नपा–५ का ६५ वर्षीय जङ्गली थारु र १० वर्षीया शिखा थारु घाइते भएको वडा नं– ४ का वडाध्यक्ष मानबहादुर बताए । जङ्गली र शिखाको अवस्था गम्भीर रहेको प्रहरीले जनाएको छ ।
