सप्तरी । प्रहरीले लागूऔषध कारोबारीलाई पक्राउ गरेको छ । राजबिराज नगरपालिका-१६ बाट नियन्त्रित लागूऔषध डाईलेक्स डिसी सिरप १ सय ४० बोतल सहित राजगढ गाउँपालिका-६ बस्ने ३८ वर्षीय अशोक यादवलाई सोमबार साँझ प्रहरीले पक्राउ गरेको हो ।
जिल्ला प्रहरी कार्यालय सप्तरीबाट खटिएको प्रहरीले स १० प १३ नम्बरको मोटरसाइकल जाँच गर्ने क्रममा मोटरसाइकलमा ग्याँस सिलिण्डरको पिंधमा प्वाल बनाई लुकाई छिपाई ल्याएको उक्त परिमाणको लागूऔषध फेला पारी चालक यादवलाई पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको जनाएको छ ।
