काठमाडौं, भदौ २० । । डेंगु महामारी होइन तर यसको समयमै उपचार नगर्दा ज्यान जान सक्छ । डेंगुको संक्रमण नेपालभर देखिएपछि त्रास उत्पन्न भइरहँदा तीनजना सरुवा रोग विशेषज्ञ चिकित्सकले रोग लाग्न नदिने उपाय र रोग लागेपछि उपचारको विधिबारे यसरी सुनाएः
डा.बाबुराम मरासनीः इपिडिमियोलोजी तथा रोग नियन्त्रण महाशाखा पुर्व प्रमुख
पानीको खाल्डाखुल्डी भएको ठाउँ, टायर भएको ठाउँमा यसको बढी संक्रमण हुन्छ । सबैभन्दा बढी संक्रमण हुनेमा टायर कम्पनी तथा टायर राख्ने ठाउँ हो । विभिन्न स्थानहरु ज्स्तै स्कुल, कलेज, स्वास्थ्य मन्त्रालय समेतले चर्पीको गलत तरिकाले प्रयोग गरेको कारण डेंगुको संक्रमण हुन्छ ।
डेंगु संक्रमण रोकथामका लागि नगरपालिकाले आदेश दिएर सरकारी अड्डा, स्कुल कलेजमा सफा गर्न लगाउने र सबै क्षेत्रबाट सरसफाईका लागि विशेष भूमिका निभाउन सक्नुपर्छ । नगरपालिकाले घरको नक्शा पास गर्दा अनिवार्य घरको झ्याल ढोकामा जाली हाल्नुपर्ने नियम बनाउनुपर्छ ।
डा. विवेक लाल, इपिडिमियोलोजी तथा रोग नियन्त्रण महाशाखा प्रमुख
लाम्खुट्टेले १०० जनालाई टोकेमा १० जनालाई डेंगु संक्रमण हुनसक्छ । संक्रमण भएकाहरुमा ज्वरो आउने, टाउको दुख्ने, मांसपेशी दुख्ने,आखाँको गेडी दुख्छ । बढी संक्रमण भएकाहरुमा रक्तश्राव हुने, हड्डी भाचिए जस्तो दुखाई हुने, बान्ता हुने, खान मन नलाग्ने शरीर शिथिल हुँदै जाने जस्ता लक्षणहरु देखिन्छ ।
डा.बासुदेव पाण्डे, शुक्रराज ट्रपिकल तथा सरुवा रोग अस्पतालका निर्देशक
अहिलेको डेंगु संक्रमण गम्भीर खालको होइन । यो रोग लामखुुट्टेले संक्रमितलाई टोकेर अर्को व्यक्तिलाई टोकेमा सर्नसक्छ । डेंगु संक्रमण क्लासिकल लामखुट्टे र सेविसियल लामखुट्टेको टोकाइबाट मात्र हुन्छ ।
