काठमाडौं, भदौ २२ । सरकारले थप चार देश फिनल्यान्ड, इन्डोनेशिया, रुस र अस्ष्ट्रेलियासँग हवाई सम्झौताको तयारी गरेको छ ।
हालसम्म नेपालको ३९ देशसँग हवाई सम्झौता भइसकेको छ । सम्झौताको तयारी गरेका देशमध्ये फिनल्याण्ड आफैले नेपालसँग हवाई सम्झौताका लागि रुची देखाएको हो भने अन्य मुलुकसँग नेपालले चासो बढाएको पर्यटन मन्त्रालयले जनाएको छ ।
२०७५ मै थाइल्यान्ड र जापानसंग हवाई सम्झौता भइसकेको छ भने साउनमा मात्रै चीन संगपनि हवाई सम्झौता सम्पन्न भईसकेको छ । चीनको राजधानीमा भएको उक्त द्विपक्षिय सम्झौताले सातामा ७० उडानबाट ९८ उडान थपिएको थियो ।
नेपालले अव इन्डोनेसियासंग सम्झौता गर्न बाँकि छ ।बार्षिक ५० हजार नेपाली पर्यटक इन्डोनेसिया जाने गरेको तथ्याङकले देखाउन्छ ।यी मुलुकमध्ये रुस पहिले सम्झौता तथा उडानसमेत भएको तर हाल उडान बन्द भएको मुलुक हो ।
अन्य मुलुक नयाँ हुन् । नेपालसँग हवाई सम्झौता गर्ने ३९ औं मुलुक कम्बोडिया हो । यो समाचार आर्थिक अभियानमा टीपी भुसालले लेखेका छन् ।
