बलिउड अभिनेत्री कट्रिना कैफ सलमान खानको परिवारसँग रमाउँदै गणेश चतुर्थीको अवसरमा देखा परेकी छिन् । बलिउडका कलाकारहरुले गणेश चतुर्थीलाई पर्वको रुपमा धुमधामसँग मनाउने गरेका छन् । सलमानकी बहिनी अर्पिता खानको घरमा आयोजना गरिएको गणपतिको पूजामा अभिनेत्री कट्रिना कैफ पनि पुगेकी हुन् । उनी खान परिवारसँग यो वर्षको गणपति पूजामा सामेल भएकी छिन् ।
खानको घर पुगेकी कट्रिनाको भिडियो सामाजिक सञ्जालहरुमा भाइरल भएको थियो । भिडियोमा कट्रिना खानकी बहिनीसँग गणेश आरती गरिरहेकी थिइन् । कट्रिनासँगै धेरै बलिउड सेलिब्रेटीहरु खानको घरमा गणपति पूजाको लागि उपस्थित भएका थिए । कट्रिना आफ्नी दिदी इसाबेलसँग खानको गणपति आरतीपछि मुकेश अंबानीको घरमा आइपुगेकी थिइन् । कट्रिना र उनकी बहिनी पारम्पारिक पोशाकमा अति नै सुन्दर देखिएका थिए ।
