बलिउड अभिनेत्री सन्नी लियोनी नेपाली चलचित्रमा प्रेवश गरेकी छिन् । उनले चलचित्र “पासवर्ड”मा अभिनय गरेकी छिन् । सन्नीले पहिलो पटक अभिनय गरेको उक्त चलचित्र २७ भदौं देखि देशव्यापी प्रदर्शनमा आउँदैछ । उनको आबद्धले यस चलचित्र चर्चामा छ । चलचित्रको एक आइटम गीतमा उनले बोल्ड ठुम्का लागाएकी छिन् । चलचित्रको प्रिमियरमा सहभागी हुन सन्नी नेपाल आउने भएकी छिन् । फिल्मका निर्देशब सम्राट बस्नेत हुन् ।
चलचित्रमा अनुपविक्रम शाही, विक्रम जोशी (विक्की), बुद्दि तामाङ, रविन्द्र झा, प्रविण खतिवडा, धिरेन शाक्य, छुल्ठिम गुरुङलगायतका कलाकारको अभिनय रहेको छ । चलचित्रमा नेपालबाट चोरिएर लण्डन पुर्याइएको मन्दिरको मुर्ति नेपाल फिर्ता गर्न प्रमुख पात्रले गर्ने संघर्षहरु देखाइने छ ।
लामो समयदेखि यूकेमा बसोबास गर्दै आएका अभिनेता तथा निर्माता विक्रम जोशीले एक्सन, थ्रीलर र सस्पेन्स जनरामा ‘पासवर्ड’ ले भरपूर मनोरञ्जन दिने दाबी गरेका छन् । यूकेबाट सञ्चारमाध्यमसँग कुराकानी गर्दै उनले फिल्ममा आफूलाई धनि पिताको एक व्यापारी छोराको भूमिकामा देख्न सक्ने जनाएका छन् ।
चलचित्रका निर्माता मध्येका एक विक्रमले ‘पासवर्ड’का लागि अफर गर्दा सन्नीले सहर्ष स्वीकार गरेको जनाएका छन् । सन्नीको भूमीकाको बारेमा दर्शकहरुलाई हलमै थाहा हुने छ । फिल्मको मुख्य उद्देश्य अन्तर्राष्ट्रिय रुपमा नेपाली चलचित्रको पहुँच पुर्याउनु हो । यो चलचित्रले जघन्य अपराधको विरुद्दमा लड्नु पर्ने सन्देश प्रवाह गर्ने छ ।
