कञ्चनपुर, भदौ २७ । कञ्चनपुरको शुक्लाफाँटा नगरपालिकाका नगर प्रवक्ता जगतबहादुर सिंहको गाडीमा अज्ञात समूहले आगजनी गरेको छ ।
शुक्लाफाँटा नगरपालिका–७ का वडाध्यक्षसमेत रहेका सिंहको बा २१ च ८५०७ नम्बरको कारमा आगजनी भएको हो । शुक्लाफाँटा नगरपालिका–५ वनसमितिस्थित डेरामा पार्किङ गरी राखिएको अवस्थामा गए राति करीब १ बजेको समयमा आगजनी गरिएको प्रवक्ता सिंहको भनाई रहेको छ ।
घटनाको गहनरूपमा अनुसन्धान भइरहेको जानकारी प्रहरीले जनाएको छ। आगजनी गर्नेले मध्यरातमा आएर आगो लगाएर फरार रहेको प्रहरीको भनाई छ ।
