बलिउड अभिनेत्री सोनाक्षी सिन्हाले आफ्नो इन्स्ट्राग्राममा बलिउड फिल्मी क्षेत्रमा ९ वर्ष पूरा गरेको खुसी व्यक्त गर्दै पोष्ट गरेकी छिन् । ३२ वर्षीय सोनाक्षीले ९ वर्ष पहिले १० सेप्टेम्बर २०१० मा फिल्म “दबंग” बाट डेब्यु गरेको सम्झदै इन्स्ट्राग्राममा पोष्ट गरेकी हुन् ।
सोनाक्षीले दबंगको तेस्रो संस्करणमा पनि रज्जोको भुमिका निर्वाह गर्न लागेकी छिन् । “दबंग ३” मा पुनः सुपरस्टार सलमान खान र अभिनेत्री सोनाक्षी सिन्हालाई एकसाथ देखिने भएको छ । ५३ वर्षीय सलमानले पनि सोही दिन दबंग ३ को मोशन पोस्टर ट्वीट गरेका छन् । फिल्म “दबंग ३” प्रभुदेवले निर्देशन गर्ने भएका छन् ।
फिल्मको छायांकन सुरु भइसकेको छ । छायांकनको सेटबाट उनले रज्जोको भुमिकामा रहेको एउटा तस्विर इन्स्ट्राग्राममा पोष्ट गरेकी छिन् । सोनाक्षीले यो नौ वर्षमा असंख्य हिट र अविस्मरणीय प्रदर्शनहरु दिएकी छिन् र अझै दिने क्रममा छिन् ।
Photo Source: Salman Khan Twitter/ Aslisona Instagram
