सर्लाही, ३० भदौ । नक्कली नोट सहित प्रहरीले एक जनालाई पक्राउ गरेको छ । पक्राउ पर्नेमा बरहथवा नगरपालिका ६ बस्ने राजेश साह रहेका छन् । बागमती नगरपालिका ८ सोल्टी बजारस्थित ईन्द्रजात्रा मेलामा साहलाई २ हजार दरको नक्कली नोट दुई थान सहित २९ भदौको बिहान प्रहरीले पक्राउ गरेको हो ।
ईलाका प्रहरी कार्यालय बरहथवाबाट खटिएको प्रहरीले उनलाई पक्राउ गरेको जनाएको छ ।
यस सम्बन्धमा प्रहरीले थप अनुसन्धान गरिरहेको बताएको छ ।
