काठमाडौं, ३१ भदौ । आज देशभर अविरल वर्षा भएको छ । गएराति देखि परेको पानी आज अपरान्हसम्म रोकिएको छैन । अविरल वर्षाका कारण नदीहरुमा बहाव बढेको छ भने पहिरोले सडकहरु प्रभावित भएको छ ।
काठमाडौं उपत्यकामा मध्यम वर्षा अविरल परेको छ । उपत्यकाको दक्षिणी भेगमा आज विहानसम्म ३० मिलिमिटरसम्म पानी परेको मौसम पूर्वानुमान महाशाखाले जनाएको छ । मध्य भागमा कम पानी परेपनि बाँकी भागमा बढी पानी परेको छ ।
देशको पश्चिमी भागमा कम वर्षा भएको छ । पूर्वी तराईमा भारी वर्षा भएको छ । पूर्वका पहाडमा पनि भारी वर्षा भएको छ ।
मध्य तराईका कतिपय भागहरुमा मध्यम देखि भारी वर्षा भएको छ । चितवन, रुपन्देही, नवलपरासी, सप्तरी, सुनसरीलगायतका भागहरुमा बग्ने नदीको बहाब खतराको लाइनभन्दा माथि पुगेका छन् । ग्राफिक्स स्रोतः मौसम पूर्वानुमान महाशाखा
