कञ्चनपुर, ८ असोज । खैरो हिरोइन सहित प्रहरीले दुई जनालाई पक्राउ गरेको छ । पक्राउ पर्नेमा कैलाली धनगढी उपमहानगरपालिका १३ राजपुर बस्ने सन्तोश राना र कृष्णपुर नगरपालिका ८ राजघाट बस्ने मञ्जु चौधरी रहेका छन् । उनीहरुलाई पुनर्वास नगरपालिका ६ स्थित अवैध लागूऔषध खैरो हिरोइन करिब ८ ग्राम सहित ७ असोजको दिउँसो प्रहरीले पक्राउ गरेको हो ।
ईलाका प्रहरी कार्यालय त्रिभुबनबस्तीबाट खटिएको प्रहरीले प्रदेश ३(०२(०० प २१७२ नम्बरको मोटरसाइकल जाँच गर्ने क्रममा मोटरसाइकलमा सवार उनीहरुलाई उक्त पदार्थ सहित फेला पारी पक्राउ गरेको जनाएको छ ।
यस सम्बन्धमा प्रहरीले आवश्यक अनुसन्धान गरिरहेको बताएको छ ।
