काठमाडौं, ८ असोज । प्रहरीलाई चार हजार घुस दिन खोज्ने एक युवक पक्राउ परेका छन् । पक्राउ पर्नेमा काठमाडौं गौशाला बस्ने सर्लाही घर भएका राजकरण महत्तो रहेका छन् । काठमाडौं महानगरपालिका २७ पुरानो बसपार्क्स्थित डिउटीमा खटिएको प्रहरीलाई आर्थिक प्रलोभनमा पार्न खोजेपछि महत्तोलाई ७ असोजको साँझ प्रहरीले पक्राउ गरेको हो ।
महानगरीय प्रहरी वृत्त जनसेवाबाट खटिएको प्रहरीले पकेट मारी चोरी गर्न खोज्ने महत्तोलाई नियन्त्रणमा लिने क्रममा उनले प्रहरीलाई उक्त रकम दिन खोजेका जनाएको छ ।
यस सम्बन्धमा प्रहरीले आवश्यक अनुसन्धान गरिरहेको बताएको छ ।
