सप्तरी,१० असोज । अवैध लागुऔषध सहित प्रहरीले दुई जनालाई पक्राउ गरेको छ । पक्राउ पर्नेहरुमा सप्तरी, सुरुङ्गा नगरपालिका १ बस्ने प्रविन दाहाल र उदयपुर त्रियुगा नगरपालिका ६ जलजले बस्ने शहिद अली रहेका छन् ।
सप्तरी, सुरुङ्गा नगरपालिका १ बाट नियन्त्रित लागूऔषध लुपिजेसिक १५ एम्पुल, डाइजेपाम ६ एम्पुल र फेनारगन १२ एम्पुल सहित ९ असोजको बिहान प्रहरीले पक्राउ गरेको हो ।
ईलाका प्रहरी कार्यालय भेडियाबाट खटिएको प्रहरीले उक्त लागूऔषध सहित फेला पारी उनीहरुलाई पक्राउ गरेको जनाएको छ ।
यस सम्बन्धमा स्थानीय प्रहरीले आवश्यक अनुसन्धान गरिरहेको बताएको छ ।
