इंग्लिस प्रिमियर लिग फुटबलमा लिभरपुललाई भाग्यले पुनः साथ दिएको छ । उसले भर्खरै प्रिमियर लिगमा बढोत्तरी पाएको सेफिल्ड युनाइटेडमाथि १० को कठिन जित हासिल गरेको हो ।
लिभरपुलका लागि खेलको एकमात्र गोल विजनालडुमले ७७ औं मिनेटमा गरेका थिए । यो गोल भाग्यले भएको थियो जसका लागि सेफिल्डका गोलकिपर डिन हेन्डरसनको गल्ती थियो ।
जितपछि शतप्रतिशत नतिजा निकाल्दै लिभरपुलले शिर्षस्थानमा आफूलाई कायमै राख्न सफल भएको छ । खेलमा अधिकांश समय बल कब्जामा लिएको लिभरपुललाई घरेलु मैदानमा सेफिल्डले काउन्टर आक्रमण गरिरह्यो । जितपछि लिभरपुलले एक खेल कम खेलेको म्यानचेष्टर सिटीभन्दा आठ अंक बढी बनाएको छ ।
