छायाँकार हरि हुमागाईंको डेब्यू निर्देशित चलचित्र “सरौतो”को दोस्रे गीत सार्वजनिक भएको छ । निर्माण टिमले पहिलो गीत “कुले दाई” बाट सकारात्मक प्रतिक्रिया पाएपछि ११ असोज राजधानीमा एक कार्यक्रमका बीच रोमान्टिक भावको ‘केही आधा’ बोलको गीत सार्वजनिक गरेको हो । चलचित्र आउँदो कात्तिक २२ गतेबाट देशव्यापी प्रदर्शनमा आउन लागेको छ ।
चलचित्रका दुई लिड कलाकार सुमी मोक्तान र सन्नी सिंहको फिचर्ड रहेको गीतको भिडियोमा “पन्छी” फेम्ड गायक पुष्पन प्रधानको स्वर, शब्द र संगीत रहेको छ । गीत एरेन्जर रिकेश गुरुङ गरेका छन् । निर्देशक हरि स्वयंले गीतको कोरियोग्राफी र छायांकन गरेका छन् ।
चलचित्रले टिमले गीतले नेपाल सरकारको अभियान ‘भिजिट नेपाल २०२०’ लाई पनि सपोर्ट गर्ने विश्वास राखेको छ । छायांकन बन्दीपुर, पोखरा, धम्पुस, मुस्ताङ, लुम्बिनी, सौराहा र जनकपुरमा गरिएको छ । कलाकार लियो ट्यांक, विजय लामा, युवराज लामा, धिरेन शाक्य, आमिर गौतम, अरुणा कार्की, सुवाङ्गम शाह, मनिषा लगायत अन्य थुप्रैको चलचित्रमा अभिनय रहेको छ ।
हेर्नुहोस् भिडियोः
