काठमाडौं, १६ असोज । सुन्दरताले चर्चामा आएपनि साम्राज्ञी शाहको अभिनय कमजोर हुँदा उनको चलचित्र एकपछि अर्को गर्दै फ्ल्प हुन पुगेका छन् । चलचित्र आउनुभन्दा अघि र पछि उनकै मात्र चर्चा हुने तर चलचित्र डुब्ने कारण साम्राज्ञीको क्रेज घट्न पुगेको छ ।
साम्रज्ञी नायिका रहेको चलचित्र रातो टीका निधारमा नराम्ररी फ्ल्प भयो । चलचित्रमा साम्राज्ञीले १६ लाख पारिश्रमिक लिएको चर्चा चल्यो । तर, चलचित्रले १६ लाख पनि कमाउन नसक्ने अवस्था बनेको छ ।
साम्राज्ञीको चलचित्र फ्ल्प भएपनि उनले पारिश्रमिक बढाएको बढायै छिन् । अब २० लाख घटी चलचित्र नखेल्ने बताइन् । यसकारण चलचित्र क्षेत्रका हस्तीहरु चिढिएका छन् । निर्माता र निर्देशकहरु साम्राज्ञीलाई लिन छाडे ।
चलचित्रमा अभिनयका कारण भन्दा साम्राज्ञी छोटो पहिरनले चर्चामा आइरहेकी छिन् । उनी सुटिङमा बखत स्वीमसुट लगाएर तस्बिर खिच्दै सामाजिक सञ्जालमा पोष्ट गर्दै चर्चामा आइरहने रणनीति अपनाउँछिन् । यसकारण मात्र उनलाई सामाजिक सञ्जालमा बढी खोजिन्छ । उनको अभिनय राम्रो नभएपछि चलचित्र फ्ल्प भएको निष्कर्षमा निर्माता निर्देशकहरु पुगेका छन् । File Photo
