पूर्वराजा ज्ञानेन्द्रको दशैं-सेड्युल बाहिरियो, कहाँ-कहाँ जाँदैछन् ? (तालिकासहित)

काठमाडौं, १८ असोज । यो वर्षको दशैं सुरु भैसकेको छ । देशभरि हर्षोल्लासका साथ दशैं मनाउन सुरु भएको छ । पूर्वराजा ज्ञानेन्द्र शाहको बडादशैंको तालिका आएको छ । पूर्वराजाले बडादशैंको उपलक्ष्यमा महाअष्टमीका दिन आइतबार अपरान्ह उपत्यकाका शक्ति पीठहरूको दर्शन गर्ने कार्यक्रम रहेको छ ।

शाहको निजी सचिवालयले दिएको जानकारीअनुसार उनले नक्साल भगवती, गुह्यश्वरी, मैतीदेवी, कालिकास्थान, भद्रकाली, संकटा, नरदेवी, रक्तकाली, शोभा भगवती र ईन्द्रायणीको दर्शन गर्ने कार्यक्रम रहेको छ । त्यस्तै पूर्वराजाले विजया दशमीको दिन इच्छुकवर्गलाई टीकासमेत लगाइदिने भएका छन् । मंगलबार अपरान्ह ४ बजेपछि उनले दशैंको टीका लगाइदिने कार्यक्रम रहेको सचिवालयले जानकारी दिएको छ ।