सुशील र आमिरको कार्टुन रुप

चलचित्र “बादशाह जुट” को कार्टनु पोस्टर सार्वजनिक भएको छ । १५ कार्तिकबाट देशव्यापी प्रदर्शनमा आउन लागेको यो चलचित्रले नेपाली चलचित्र इतिहासमा पहिलो पटक चलचित्रको कार्टुन पोस्टर सार्वजनिक गरेको हो । आफुलाई बादशाह सम्झने दुई युवकको भूमिकामा देखा पर्ने अभिनेता द्वय सुशील श्रेष्ठ र आमिर गौतमलाई पोस्टरमा कार्टनुको रुप दिइएको छ । निर्माण टिम अहिले चलचित्रको व्यापक प्रचार–प्रसारमा लागि परेका छन् ।

चलचित्र आफूलाई बादशाह सम्झने दुई युवकको कथामा आधारित छ । जोनी सिंह राणा निर्देशित चलचित्रमा सुशीलले पत्रकार र आमिरले हवल्दारको भूमिका निभाएका छन् । एक्सन र कमेडी जनरामा निर्माण भएको चलचित्रमा केइसा रावत, रोषी खड्का, रोविन तामाङ, रश्मी पाण्डे, दीपक क्षेत्री, कमलमणि नेपाललगायतका कलाकारको अभिनय रहेको छ । राजु कार्कीले खिचेको यो चलचित्रमा अभिनेत्री प्रियंका कार्कीलाई अतिथि पात्रको रुपमा लिइएको छ । चलचित्रको एक गीतमा उनले नृत्य प्रस्तुत गरेकी छिन् ।

एच एण्ड बी फिल्मस् र गोल्डेन ग्रेप्स फिल्मस् एण्ड इन्टरटेनमेन्टको व्यानरमा निर्माण गरिएको यो चलचित्रमा हर्क बहादुर कुँवर (पिटर) र भोजराज श्रेष्ठ (मिक्की) को लगानी रहेको छ । अभिषेक शशि कुमारको पटकथा रहेको चलचित्रमा राजकुमार उप्रेतीले एक्सन, दिर्घ खड्काले सम्पादन र कृष्ण भारद्वाज, कोशिश क्षेत्री, मोहित मुनालले संगीत भरेका छन् ।Photo Source: Filmykhabar