काठमाडौं, १३ कार्तिक । पटका पड्काउने क्रममा आगलागी हुँदा तीन लाखको क्षति भएको छ। मंगलबार राति ७ बजे अचानक सप्तरीको राजविराज नगरपालिका ८ स्थित हिमालय टोलमा स्थानीयवासी शिवेश सिंहको घरमा पटका पड्काउने क्रममा आगलागी भएको प्रहरीले जनाएको छ। उनको एउटा घर पूर्णरुपमा जलेर नष्ट भएको छ।
सो आगलागीबाट नगद, जिन्सी, भाँडाकुँडा र सरसमान जलेर नष्ट हुँदा करिब तीन लाख मूल्य बराबरको क्षति भएको प्रहरीले जनाएको छ। आगोलाई स्थानीयवासी र प्रहरीको सहयोगमा निभाइएको छ। समयमा बारुण यन्त्र नपुग्दा आगोबाट बढी क्षति भएको जनाइएको छ ।
