खोटाङ, कार्तिक १३ । खोटाङको हलेसी तुवाचुङ नगरपालिका–१० कामीडाँडामा दुर्घटना भएको छ । खोटाङको सदरमुकाम दिक्तेलबाट मोरङको विराटनगरका लागि छुटेको यात्रु बहाक बस बिहान ७ः४० बजेतिर दुर्घटनामा परेको हो ।
यात्रुले कोचाकोच भरिएको १ ख ६३२० नम्बरको उक्त बस दुर्घटनामा परि १४ जना घाइते भएको प्रहरीले जनाएको छ ।घाइतेहरुलाई उपचारका लागि जिल्ला अस्पताल दिक्तेल लैजाने प्रयास भईरहेको छ ।
घाइते केहिको अवस्था गम्भीरहेको घटनास्थलमा रहको प्रहरीले जनाएको छ । दुर्घटनास्थलमा सडक केहि ओरालो रहेको र बसमा क्षमता भन्दा बढि यात्रु रहेका कारण आरोलोमा ब्रेक फेल भएको हुन सक्ने प्रहरीको अनुमान छ । घटनाको कारणबारे अनुसन्धान भईरहेको पनि प्रहरीले जनाएको छ ।
