एजेन्सी । इटालियन सिरी ‘ए’ फुटबल अन्र्तगत गएराति भएको खेलमा युभेन्ट्स को शीर्ष स्थानमा पुगेको छ । घरेलु मैदानमा भएको खेलमा क्रिस्टियानो रोनाल्डोले गरेको गोल नै निर्णायक गोल बन्न पुगेको छ ।
उक्त खेलमा युभेन्ट्सले जेनोआलाई २–१ गोलले हराउदा युभेन्ट्सका तर्फबाट लियोनार्डो बोनुची र क्रिस्टियानो रोनाल्डोले एक–एक गोलको योगदान दिएका छन् ।
सुरुआती अग्रता लिएको युभेन्ट्सले खेलको ३६औं मिनेटमा गोल गरेपनि युभेन्ट्सले गोल गरेको चार मिनेट भित्रै जेनोआका क्रिस्टियनले गोल गर्दै खेललाई बराबरीमा ल्याएका थिए।
युभेन्ट्सले दोस्रो हाफको इन्जुरी समयमा पेनाल्टीमार्फत निर्णायक गोल गर्दे आफ्नो स्थान पक्का गरेको थियो। पेनाल्टीमा रोनाल्डोले निर्णायक गोल गरेका थिए ।
