इंग्लिस प्रिमियर लिग फुटबलको शक्तिशाली टोली म्यानचेस्टर युनाइटेड बर्नमाउथसँग पराजित भएको छ । शनिबार भएको खेलमा बर्नमाउथको मैदानमा युनाइडेड सुन्यका विरुद्ध एक गोलले पराजित भएको हो ।
बर्नमाउथको महत्वपूर्ण जितमा किङ नायक बने । उनले पहिलो हाफको अन्ततिर एकल प्रयासले सानदार गोल गरे । उनकै गोल निर्णायक बन्यो ।
खेलमा बर्नमाउथले धेरै काउन्टर एट्याक गरेपनि युनाइटेडका गोलकिपर डी जीयले बचाउ गरे । युनाइटेडले बराबरीको प्रयास गरेपनि सकेन । हारसँगै युनाइटेड १३ अंकका साथ आठौं स्थानमा रहेको छ । बर्नमाउथ छैठौं स्थानमा उक्लिएको छ ।
Photo Source: NBC Sports
