काठमाडौ, कार्तिक १९ । प्रतिनिधीसभाकी सांसद शान्ता चौधरी चढेको गाडी सडक दुर्घटनामा परेको छ । चौधरीले चढ्दै आएको बा २ झ २८७१ नम्वरको सरकारी गाडी गयराती दाङको लमही–६ स्थित कुलमोड भन्ने स्थानमा दुर्घटनामा परेको छ ।
गाडी दुर्घटनाको समयमा सांसद चौधरी भने सवार नरहेको र कुनै मानविय क्षति नभएकोे दाङ प्रहरीले जानकारी गराएको छ ।
देउखुरी तर्फ जाँदै गरेको उक्त गाडी राती करिव १ बजे तिर दुर्घटना भएपछि गाडी चालक रतनलाल चौधरीले प्रहरीलाई जानकारी गराएका थिए । गाडी सडकबाट दुई सय मिटर तल खसेको छ ।
