काठमाडौं, २१ कात्तिक । सत्तारुढ दल समाजवादी पार्टीका संघीय परिषद अध्यक्ष तथा पूर्व प्रधानमन्त्री डा. बाबुराम भट्टराईले ५२ वर्षपछि हाईस्कुलमा पढ्दाकी केटी सहपाठी भेट्दा खुशी व्यक्त गरेका छन् । उनले आज आफ्नो फेशबुकमा गोरखाको अमरज्योति हाइस्कूलमा पढ्दाकी केटी सहपाठी शारदा खनाल (पराजुली) सँगको भेटवार्तासहितको फोटो सेयर गर्दै खुशी व्यक्त गरेका छन् ।
उनले भनेका छन्,”१३/१४ बर्षको उमेरमा स्कूलमा ८ क्लास पढ्दादेखि छुट्टिएकी सहपाठीसंग ५२ बर्षपछि सेतै कपाल फुलेको अवस्थामा भेट्दा कस्तो अनुभूति होला ? गोरखाको अमरज्योति हाइस्कूलमा पढ्दा कक्षामा एक मात्र केटी सहपाठी शारदा खनाल (पराजुली) संग आज अकस्मात् भेट्दा गजबको अनुभूति भयो !”
