काठमाण्डौ । गठन भएदेखि नै आलोचना खेपिरहेको केपी ओली नेतृत्वको सरकारलाई धेरैले असफल भन्ने गरेका छन् । ओलीको सचिवालय र नजिकका सदस्यहरुको गलत सल्लाहाका कारण सरकार असफल भएको कतिपयको टिप्पणी हुने गर्दछ । अधिकांश मन्त्रीहरु पनि स्वार्थकेन्द्रित हुँदा जनहितमा काम हुन नसकेको बताइन्छ । प्रधानमन्त्री स्वयमले पनि यि कुरालाई मध्येनजर गरेरै होला, सचिवालय सदस्यहरुलाई राजिनामा दिन लगाउनुभएको छ । योसँगै मन्त्रीमण्डल परिवर्तनको चर्चा पनि सुरु भएको छ ।
प्रधानमन्त्री ओलीको सचिवालयका सबै सदस्यले राजीनामा दिएका छन् । प्रधानमन्त्री ओलीले आफू नयाँ ढंगले जान चाहेकाले त्यसका लागि मार्ग प्रशस्त गरिदिन भनेपछि निजी सचिवालयका सबै सदस्यले शनिबार राजीनामा बुझाएका हुन् । ‘आजको काम भोलि गरौँला भन्ने सुविधा छैन’ भन्ने अठोट लिनुभएका प्रधानमन्त्री ओलीले अब भने नतिजा देखिने गरी काम गर्न खोजेको सल्लाहाकारको राजिनामाको संकेतको रुपमा लिन सकिन्छ ।
बालुवाटार निवासभित्रै पनि राती अबेरसम्म सल्लाहकारले घेरिरहदा स्वास्थयमा लापरवाही बढीरहेका कारण प्रधानमन्त्री राधिका शाक्य पनि सल्लाहकारप्रति रुष्ट थिईन् । गलत सल्लाह दिने, नेकपाका अर्का शक्तिशाली नेता माधव कुमार नेपालालाई समेत भेटघाट गर्न नदिएर सल्लाहकारले गल्ती गरेको कतिपयको टिप्पणी छ । समग्रमा नै सल्लाहाकार टिमले प्रभावकारी भूमिका खेल्न नसक्दा राजिनामा दिनुपर्ने अवस्था आएको पत्रकार तथा विश्लेषक शम्भु श्रेष्ठ बताउँछन् ।
अहिलेको टिमलाई राजिनामा दिन लगाउँदैमा समस्या समधान हुने होइन । त्यसैले अब नयाँ टिम बनाउँदा निकै ध्यान दिनुपर्ने देखिन्छ । नयाँ नियुक्ती गर्ने सल्लाहकार तथा मन्त्रीहरु गुटबन्दी र आफ्ना मान्छे भन्दा राम्रा र सो क्षेत्रमा विज्ञता हासिल गरेकालाई प्राथमिकता दिनुपर्ने श्रेष्ठको सुझाब छ ।
प्रधानमन्त्रीको सचिवालय चुस्त नभएको भनेर पार्टीभित्रै पनि आलोचना भइरहेको थियो । विश्वास गरिएका सल्लाहाकार टिमबाटै धोका भएको महसुशसमेत ओलीले गरेको बताइएको छ । उपनिर्वाचनपछि मन्त्रिपरिषद पुनर्गठनको सम्भावनाबारे चर्चा चलिरहेका बेला प्रधानमन्त्री केपी शर्मा ओलीले आफ्नो सचिवालयबाटै त्यसको शुरुवात गरेको टिप्पणी पनि भइरहेको छ । यद्यपी प्रधानमन्त्रीले मन्त्रीहरुलाई अहिलेसम्म कुनै निर्देशन दिनुभएको छैन ।
तर सचिवालयका महत्वपूर्ण सदस्यहरुलाई नै राजिनामा दिन लगाएर प्रधानमन्त्रीले मन्त्रीहरुलाई पनि सांकेतिक चेतावनी दिएको बझिन्छ । यद्यपी केही मन्त्रीहरुप्रति भने ओली धेरै नै असन्तुष्ट रहेको बताइन्छ । तर असन्तुष्टलाई मात्रै हटाउँदा पार्टीभित्रैबाट दबाब आउन सक्ने भएकाले पुरै मन्त्रीमण्डल नै परिवर्तन गर्ने कि भन्ने विषयमा ओलीले अध्यक्ष पुष्पकमल दाहालसँग छलफल गरिरहेको बताइएको छ ।
