काठमाडौं, कार्तिक २६। नेपाल नागरिक उड्डयन प्राधिकरणले भद्रपुर विमानस्थल १० दिनका लागि बन्द गरेको छ । झापाको चन्द्रगढीस्थित भद्रपुर विमानस्थलमा आवश्यक मर्मत सम्भारको काम समपन्न गर्न भन्दै प्राधिकरणले उक्त समयकालागि बन्द गरेको हो ।
आज देखि बन्द भएको विमानस्थलमा ५ मंसिरसम्म कुनै पनि उडान सम्बन्धी कार्य नहुने जनाइएको छ । हाल उक्त विमानस्थलबाट उडान सेवा भर्दै आएका नेपाल एयरलाइन्स, बुद्ध, यती, सौर्य र श्री एयरलाइन्सले विराटनगर विमानस्थलको प्रयोग गर्नुपर्ने भएको छ ।
