काठमाडौं, ९ मंसिर । नेपालका स्टार क्रिकेट खेलाडी सन्दीप लामिछानेको आँखाको शल्यक्रिया गरिएको छ । उनको आँखाको लेजर सर्जरी गरिएकाले घरेलु मैदानमा हुने साग खेलकुद गुमाउने भएका छन् ।
सन्दीप नेपाललाई क्रिकेटमा पदक दिलाउन महत्वपूर्ण भूमिका निभाउनसक्ने आशावादी बलर मानिएका थिए । दुई साता आराम गर्नुपर्ने भएकाले उनले साग नखेल्ने टुंगो लागेको क्यानका एक पदाधिकारलिे बताए ।
दिल्लीबाट खेल्ने सन्दीपले यो वर्ष धेरैवटा अन्तर्राष्ट्रिय म्याचमा सहभागिता जनाए । किशोरावस्थामै देशमा हुने साग खेलकुद गुमाउनु पर्दा सन्दीप निकै दुःखी भएको बुझिएको छ । उनले सागमा क्रिकेटमा नेपाललाई महत्वपूर्ण जित दिलाउने उद्देश्य राखेका थिए । File Photo
