देशका लागि चम्किए चेली

काठमाडौं, २१ मंसिर । आधा आकाश ढाकेका महिलाले १३ औं दक्षिण एशियाली खेलकुद (साग) मा सानदार प्रदर्शन गरेका छन् । अहिलेसम्म प्राप्त कुल ४१ स्वर्णमध्ये २१ वटा महिलाले मात्र जिताएका छन् । दुईवटा मिक्सतर्फको स्वर्णमा पनि महिलाको हिस्सा छ ।

नेपाली महिलाले देशका लागि धेरै गर्दै आएका छन् र गर्न सक्छन् भन्ने सन्देश हो यो । नेपाली महिलाले देशका शीर उचो राख्ने काम गरे । हालसम्म नेपालले जितेको ४१ स्वर्णमध्ये महिलाले २१ स्वर्ण जितेका छन् । मिक्सतर्फ दुई स्वर्ण समेत जितेका छन् ।

तेक्वान्दोमा सबैभन्दा बढी ६ स्वर्ण महिलाकै नाममा छ । तेक्वान्दोमा मिक्स पुम्सेमा प्राप्त स्वर्णमा पनि महिलाको नाम छ । कराँतेमा ४, उसुमा ४, साइकसिलङमा २, पौडीमा २ स्वर्ण महिलाले जितेका छन् ।

भारोत्तोलन, ट्रायथलन र एथलेटिक्समा पनि एक एक स्वर्ण जितेका छन् । महिलाले आफूलाई अब्बल सावित गरेका छन् ।

संघर्षले खारिएमा महिला
लक्ष्मी मगरले खेलेर केही गर्छु भनेर संघर्ष शुरु गरिन् । साइकलिङकी यी खेलाडीले कठोर परिश्रम गरेर स्वर्ण पदक जितिन् । नुवाकोटकी यी चेली सामान्य परिवारकी हुन् । तर, उनको इच्छाशक्तिलाई आर्थिक अवस्थाले रोकेन ।

आयशा शाक्य तेक्वान्दो खेल्दा खेल्दै पूर्व स्टार खेलाडी दिपक बिष्टसँग विवाहमा बाँधिइन् । दुई छोरालाई जन्म दिइन् । तर, उनको खेलमा पूर्णविराम लागेन । निकै मिहेनतका साथ खेलर देशलाई दुई स्वर्ण दिलाइन् ।

सुनीता महर्जन सामान्य परिवारकी हुन् । उनका बाबु माली काम गर्छन् । तर, उनको इच्छाशक्तिलाई आर्थिक अवस्थाले रोकेन । ६७ केजी तौल समूहमा स्वर्ण जित्दा गर्वको आँसु खसालिन् ।

नेपाललाई कुल ४१ स्वर्ण पदक दिलाउनेमध्ये अधिकांश महिला नै छन् । तिनको संघर्ष र परिश्रमको कथा सुन्न लायक छ ।

बेलायतमा बस्ने गौरिका सिंहले देशलाई ऐतिहासिक दुई स्वर्ण दिलाउँदा आफूलाई धेरैले नेपाली होइन भन्ने गरेको गुनासो गरिन् । तर, उनको मन नेपाली नै हो । त्यसैले देशलाई आवश्यक पर्दा आएर पदक जिताएर जान्छिन् ।

महिलाले जितेका स्वर्ण पदक
तेक्वान्दो- ६
मिक्स पुम्से -१
कराँते- ४
उसु- ४
उसु मिक्स थाउलो- १
साइकसिलङ- २
पौडी- २
एथलेटिक्स- १
ट्रायथलन- १
भारत्तोलन- १

स्वर्ण विजेता महिला

तेक्वान्दो

आयशा शाक्य (२९ वर्षमाथिको पुम्से)
आयशा शाक्य र सञ्जीवकुमार ओझा (२९ वर्षमाथिको मिक्स पुप्से)
पार्वती गुरुङले (२३ देखि २९ वर्ष पुम्से)
सीना मादेन लिम्बु (१७ देखि २३ वर्ष पुम्से)
नीता गुरुङ, प्रशंसा क्षेत्री र सुशीला राई (२३ वर्षमाथिको स्पर्धा)
काजल श्रेष्ठ (४६ केजी महिला)
संगिता बस्याल (६२ केजी महिला)
कराँते
निर्मला तामाङ, संगिता मगर र सरु काकी (महिला टिम काता)
कुसुम खड्का (४५ केजी कुमुते)
अनु अधिकारी (५० केजी कुमुते)
सुनिता महर्जन (६७ केजी महिला कुमिते)
उसु
सुस्मिता तामाङ (थाउलो)
सुष्मिता तामाङ र विजय सिंजाली (थाउलो)
जुनी राई (महिला ५६ केजी )
निमा घर्ती मगर (नन्डाओ अल राउन्ड)