लमजुङ, मंसिर २२ । लमजुङमा यात्रुबाहक बस दुर्घटना हुँदा एक यात्रुको मृत्यु भएको छ । बेंसीसहरबाट गोरखा जाँदै गरेको ग १ ख ५७९९ नम्बरको बस सुन्दरबजार नगरपालिका ७ पाउँदीमा आइतबार विहान दुर्घटना हुँदा एक महिलाको मृत्यु भएको प्रहरीले बताएको छ ।
उक्त बस प्रहरी चेक पोष्ट नजिकैबाट करिव १०० मिटर तल खोलामा खसेको प्रहरीले जनाएको छ । घटना विहान ७ बजेतिर बस दुर्घटनामा परेकोे हो । प्रहरीका अनुसार बस स्टार्ट अवस्थामै रहदा चालक बसबाट ओर्लिदा बस आफ्ै चलेर खोलामा खसेको प्रहरीको भनाई रहेको छ ।उक्त बसमा करिव १२ जना यात्रु थिए ।
