उदयपुर, ३ पुष । उदयपुरको उदयपुरगढी गाउँपालिका–३, तामडाँडमा जीप दुर्घटना हुँदा तीन जनाको मृत्यु भएको छ। बिहीबार बिहान एस के ०१ पी बी ३०६० नम्बरको भारतीय जीप दुर्घटनामा ५ जना घाइते समेत भएका छन्।
८ जना सवार रहेकोमा थप दुई जनाको मृत्यु भइसकेको आशंका गरेको जिल्ला प्रहरी कार्यालयका प्रहरी जवान गणेश श्रेष्ठले जानकारी दिए । ’दुर्घटनापछि कतिपय घाइतेलाई विभिन्न अस्पतालमा लगिएको छ’, श्रेष्ठले भने,’ दार्ज्लिङबाट पाहुँना भेट्न आएका थिए, नेपालीहरू पनि छन् सबै पहिचान भइसकेको छैन।’
