काठमाडौं, पुस १६ । आजबाट भ्रमण वर्ष २०२० को सुरु भएको छ। भ्रमण बर्षको उद्घाटनपूर्व निस्किने र्याली र राष्ट्रपतिलगायतको सवारीका कारण बुधबार काठमाडौं उपत्यकाको आवागमन प्रभावित हुने भएको छ।
ट्राफिक प्रहरी महाशाखाका अनुसार थापाथली, त्रिपुरेश्वर, कालिमाटी, शहिद गेट, जमल, केशरमहल क्षेत्रमा सवारी आवागमन प्रभावित हुनेछ।दिउँसोको समयमा ठमेलबाट र्यालि निस्केर रंगशालासम्म जाने भएकाले वैकल्पिक रुट प्रयोग गर्न महानगरीय ट्राफिक प्रहरी महाशाखाले सर्वसाधारणमा अनुरोध समेत गरेको छ । पार्किङका लागी निश्चित स्थान तोकेको छ । महाशाखाले अत्यावश्यक सवारी साधनबाहेक अन्य सवारी साधन नचलाई वैकल्पिक रुट प्रयोग गर्न आग्रह गरेको छ।
