करिश्मा र रविको जोडदार अभिनय (भिडियोसहित)
काठमाडौं, १७ पुष । लोकप्रिय लोकगायक सुमन न्यौपानेको शव्द तथा लय संकलन रहेको ‘फूल फुल्यो वासना चल्यो’ बोलको गीत सार्वजनिक गरिएको छ । उक्त गीतमा न्यौपानेसहित चर्चित गायिका राधिका हमालको स्वर रहेको छ ।
गीत म्युजिक बैंक नेपालमार्फत बजारमा ल्याईएको हो । दिक्षान्त मुभिजको ब्यानरमा निर्माण गरिएको म्युजिक भिडियोमा अहिलेकै व्यस्त मोडल करिश्मा ढकाल र रवि सुनारको अभिनय रहेको छ । विन्द्वासिनी म्युजिक नामक युट्युब च्यानलमार्फत उक्त भिडियोलाई बाहिर ल्याईएको हो ।
गायक न्यौपाने लोक संगितको उर्वर भूमी लमजुङ्गमा जन्मिएका हुन् । यसअघि पनि उनको पहिलो सांगितिक कोशेलीको रुपमा ‘मै दुःखीलाई के दशैं, के तिहार?’ बोलको गीत बजारमा आईसकेको छ । उनको पहिलो कोशेलीलाई पनि दर्शक तथा श्रोताहरुले अत्यधिक रुचाएका थिए ।
