काठमाडौं,पुस १८ । अमेरिकामा नेपाली विद्यार्थीको मृत्यु भएको छ । रौतहट स्थायी घर भएका २२ वर्षीय हिमाल तिमल्सिनाको अंग्रेजी नयाँ वर्षको दिन म्यासाचुसेट्स राज्यको स्टोनहृयाममा मृत्यु भएको जनाइएको छ। आफु बस्दै आएको घरको सिँढीबाट लडेर टाउकोमा गम्भीर चोटलागेको उनको स्थानिय अस्पतालमा उपचारको क्रममा मृत्यु भएको हो ।
टाउकोमा गम्भीर चोट लागेका उनलाई लेही हस्पिटल एण्ड मेडिकल सेन्टरमा भर्ना गरिएको थियो । स्नातक तहको शिक्षाका लागि उनी सन २०१४ मा अमेरिका पुगेका थिए । उनी म्यासेच्युष्ट राज्यको क्वीन्सी कलेजमा अध्ययन गद थिए । आंशिक रुपमा उनी स्टोनहृयामकै एक रेस्टुरेन्टमा समेत काम गर्दै आएका थिए ।
