काठमाडौं, पुस १८ । लामो समयदेखि क्यान्सरबाट पिडित रहदै आएका डडेल्धुराका क्रिकेट खेलाडी केशव सिंहको मृत्यु भएको छ । पछिल्लो समय धनगढीको बोराडाँडीमा दिदीको घरमा बस्दै आएका उनको पाहाड घर आलिताल गाँउपालिका डडेल्धुरामा पर्छ ।
त्यसअघि दिल्लीमा उपचारका लागि गएका उनलाई बचाउन समस्या भएको भन्दै घर फर्काईएको थियो। कलेजो र फोक्सोको क्यान्सरबाट पीडित सिंहको आर्थिक अवस्था कमजोर भएकाले उपचारमा समस्या हुँदै आएको थियो। उनको भारतको राजधानी दिल्लीस्थित राजिब गान्धी अस्पतालमा लामो समय सम्म उपचार भएको थियो।
आर्थिक अवस्था कमजोर भएका कारण उपचारमा समस्या भएपछि सुदूरपश्चिममा उनलाई बचाउँन अभियान समेत थालिएको थियो। उनले डडेल्धुराबाट विभिन्न समयमा क्षेत्रीय क्रिकेट प्रतियोगिता खेलिसकेका थिए।
