काठमाडौँ, २० पौष : सुनको मूल्य बढ्ने क्रम निरन्तर जारी छ । आइतबार सुनको मुल्य प्रतितोला १ हजार रुपैयाँले बढेको छ । सुन प्रतितोला ७५ हजार ५०० रुपैयाँमा कारोबार भइरहेको नेपाल सुन चाँदी व्यवसायी संघले जनाएको छ । त्यसैगरी तेजावी सुन १ हजार रुपैयाँले बढेर ७५ हजार २०० रुपैयाँ पुगेको छ ।
आइतबार चाँदीको मूल्य भने स्थिर रहेको छ । चाँदी तोलाको ९०० रुपैयाँमा कारोबार भइरहेको जनाइएको छ । गत शुक्रबार चाँदीको मूल्य १० रुपैयाँले बढेर ९०० रुपैयाँ पुगेको थियो । विश्व बजारमा निर्धारण हुने सुनको मूल्यले नेपालमा पनि मुल्य तय गर्ने गर्दछ सो कारण ले सुनको मूल्य मा निरन्तर उकालो लागि रहेको व्यसायीहरुले जनाएको छ ।
