लमजुङ,पुस २३ । लमजुङको मध्यनेपाल नगरपालिका १ स्थित जिता देउरालीमा रहेको बाख्रा तथा लोकल कुखुराको फार्ममा भएको आगलागी २५ खसीबाख्रा र २ सय ७४ लोकल कुखुरा मरेका छन् । मंगलबार राती भएको उक्त आगलागीमा
स्थानीय रमेश पौडेलले संचालन गरेको फार्म जलेर नष्ट भएको प्रहरीले जनाएको छ ।
विद्युत सर्ट भएर भएको आगलागीमा एक सय ७० वटा खसीबाख्रामध्ये ४५ वटामात्रै सकुशल भेटिएको र ३ सय लोकल कुखुरा रहेकोमा २६ सकुशल भेटिएको प्रहरीले जनाएको छ ।
आगलागीबाट डेढ करोड रुपैयाँ बराबरको क्षति भएको प्रारम्भिक अनुमान गरिएको छ । अबेर राती घटना हुन गएको र समयमै आगलागी नियन्त्रणमा आउन नस्कदा नोक्सानी बढेकोे प्रहरीले जानकारी गराएको छ ।
