विराटनगर, १ माघ । प्रमुख प्रतिपक्षी दल नेपाली कांग्रेसका सभापति एवम् पूर्व प्रधानमन्त्री शेरबहादुर देउवाले सभामुखमा नेकपाले सहमति जुटाउन नसके आफ्नो दललाई दिन आग्रह गरेका छन् । उनले भने,‘नेकपालाई सभामुख चयन गर्न समस्या छ भने हामीलाई दिए हुन्छ, हामी चयन गर्छौं ।’
बुधबार अपरान्ह विराटनगर विमानस्थलमा पत्रकारहरुसँग कुरा गर्दै उनले यस्तो बताएका हुन् । उनले थपे,‘नेकपाभित्रको विवादले संसदलाई बन्धक बनाउन पाईँदैन् । सभामुखमा सहमति जुटाउन नसक्ने भए हामीलाई दिए हुन्छ । तर, अहिले नेकपाभित्रको विवादले सभामुख चयन प्रक्रिया अवरुद्ध भएको छ ।’ file photo
