काठमाडौं,माघ ५ । निजी क्षेत्रको आन्तरिक उडानको वायुसेवा कम्पनी श्री एयरलाइन्सले दुई हजार रुपैयाँमा नै काठमाडौंबाट जनकपुर सीधा उडान गर्ने भएको छ। यो वायुसेवाले आगामी सोमबारदेखि यो गन्तव्यमा नियमित उडान गर्ने जानकारी श्री एयरलान्इसका कर्पोरेट प्रबन्धक अनिल मानन्धरले जानकारी दिए।
उनका अनुसार यसअघि माघ १ गतेदेखि नै उडान गर्ने गरी तयारी भए पनि ट्राभल एजेन्सीमार्फत बुकिङ हुने टिकटलाई समय नपुगेका कारण सोमबारदेखि उडान गर्ने निर्णय भएको हो
जनकपुरमा काठमाडौंबाट दैनिक मध्यान्ह १२ बजे जाने र साढे एक बजे फर्कने भएको गरी यो वायुसेवाले उडान तालिका बनाएको छ। श्री एयरलाइन्सले ८० सिट क्षमतको क्यू ४०० नामक ८० सिट क्षमताको जहाजबाट जनकपुर उडान गर्न लागेको हो।
यो वायुसेवाको उडान पछि अन्य वायुसेवाले पनि भाडादरमा प्रतिस्पर्धा गर्ने भएका छन्। वायुसेवा कम्पनीको उडान गन्तव्य विस्तार र मूल्यमा हुने प्रतिस्पर्धाले उपभोक्ताले सस्तोमै सेवा पाउँछने आजको अन्नपूर्ण पोस्ट्मा खवर छ ।
