काठमाडौं, १२ माघ । प्रतिनिधिसभाको बैठक सुरु भएको छ । आजको बैठकले सभामुख चयन गर्नेछ । सभामुखमा नेकपाकातफृबाट अग्नि सापकोटाको मात्र एकल उमेदवारी परेको छ । अहिले उनका प्रस्ताव सुवास नेम्वाङले सापकोटाको नाम सभामुखमा प्रस्ताव गरेका छन् ।
बैठकमा सम्बोधन गर्दै प्रमुख प्रतिपक्षी दल नेपाली कांग्रेसका सांसद डा. मिनेन्द्र रिजालले सभामुखका उम्मेद्धवार सापकोटालाई विगतभन्दा आगत महत्वपूर्ण हुन्छ भन्दै सरकारलाई उत्तरदायी बनाउने मार्गमा सधैं आफ्नो पार्टीको साथ र सहयोग रहने विश्वास दिलाएका छन् ।
रिजालले कांग्रेसले कमण्डलु लिएर संसदमा उपसभामुख नमाग्ने बताएका छन् । कांग्रेसले उपसभामुखको बार्गेनिङ नगरेको बताएका हुन् । उनले भने, “कांग्रेस कमण्डलु लिएर उपसभामुख माग्न संसदमा उपस्थित छैन । कमण्डलु लिएर आएका छैनौं प्रष्ट होस् ।”
