सुनसरी, माघ १९ । सुनसरीको तित्रृवनमा आज विहान बस र माइक्रो बस एक आपसमा ठोक्किँदा तीन जनाको घटनास्थलमै मृत्यु भएको छ ।
ट्राफिक प्रहरी कार्यालय इटहरीका अनुसार दुर्घटनामा तीन जनाको मृत्यु भएको र उनीहरुको पहिचान हुन बाँकी रहेको छ ।
इटहरीबाट इनरुवातर्फ जाँदै गरेको बा ५ ख ३१५७ नम्बरको माइक्रो बस र इनरुवाबाट इटहरीतर्फा आउँदै गरेको ना ६ ख ७९५ नम्बरको बस एक आपसमा ठोक्किएर दुर्घटना भएको प्रहरीले जनाएको छ ।
घटनास्थलमा प्रहरीले उद्दार कार्य जारी राखेको छ । घटनाको विस्तृत विवरण आउन बाँकी छ ।
