स्पेन, १९ माघ । ला लिगाको शीर्ष स्थानमा रहेको स्पेनिश जायन्ट रियल मड्रिडले बार्सिलोनासँगको अंक दुरी झनै बढाएको छ । करिम बेन्जिमाको निर्णायक गोलमा रियल मड्रिडले एथ्लेटिको मड्रिडलाई पराजित गरेसँगै उसले बार्सिलोनासँग ६ अंकको फराकिलो शीर्षस्थान कायम गरेको छ । शनिबार भएको खेलमा रियलले एथ्लेटिकोलाई १-० गोलले पराजित गरेको हो।
रियलको जितमा करिम बेन्जिमाले खेलको ५६ औं मिनेटमा गोल गरेका हुन्। जितसँगै रियल मड्रिडले जारी लिगमा दोश्रो स्थानमा रहेको बार्सिलोनासँग ६ अंकको दुरी बनाएको छ। लिगको शिर्ष स्थानमा रहेको रियलको २२ खेलबाट ४९ अंक भएको छ भने एक खेल कम खेलको बार्सिलोनाको ४३ अंक रहेको छ। एजेन्सी
