काठमाडौं, माघ २३ । गएराति पौने १ बजे कलंकी अन्डरपासमा टिपरको ठक्करबाट दुईजनाको मृत्यु भएको छ ।
टिपरको ठक्करबाट मोटरसाइकलमा सवार दुईजनाको मृत्यु भएको प्रहरीले जानकारी गराएको छ । मृत्युहुनेमा रौतहट घर भई हाल काठमाडौंमा बस्दै आएका राकेशकुमार चौधरी र मुन्ना चौधरी रहेका छन् ।
०३००४ प ५५० नम्बरको मोटरसाइकललाई टिपरले ठक्कर दिदा मोटरसाइकलमा सवार दुबै गम्भीर घाइते भएका थिए । घाइते दुवैको त्रिवि शिक्षण अस्पताल महाराजगञ्जमा उपचारको क्रममा मृत्यु भएको प्रहरीले जनाएको छ ।
मोटरसाईकललाई ठक्कर दिएर फरार टिप्परको खोजिकार्य भईरहेको पनि प्रहरीले जनाएको छ ।
