काठमाडौं, २४ माघ । प्रमुख प्रतिपक्षी दल नेपाली कांग्रेसले आज (शुक्रबार) दिउँसो बस्ने संसद बैठक पनि अवरुद्ध गर्ने निर्णय गरेको छ । आज बिहान बसेको कांग्रेस संसदीय दलको बैठकले संसद अवरुद्ध गर्ने निर्णय गरेको सचेतक पुष्पा भुषालले जानकारी दिईन् ।
शुक्रबारको बैकपछि कांग्रेस संसदीय दलका प्रमुख सचेतक बालकृष्ण खाँणले संवैधानिक आयोगलाई सरकार आफैंले चलाउन खोजेको र पक्षपातपूर्ण निर्णय गरेकाले आजको बैठक पनि अवरुद्ध गर्ने बताए । प्रतिनिधिसभाको बैठक शुक्रबार दिउँसो १ बजे बस्दै छ ।
आफ्नो पार्टीका उपसभापति विजयकुमार गच्छदारविरुद्ध राजनीतिक प्रतिशोध साँधेर अख्तियारले भ्रष्टाचार मुद्दा दायर गरेको काग्रेसको आरोप छ । यही प्रकरणमा कांग्रेसले हिजो बसेको संसद बैठक पनि अवरुद्ध गरेको थियो । सचेतक भुषालले सम्बोधन गरेलगत्तै कांग्रेस संसदहरु उभिएर विरोध गरेका थिए । file photo
