काठमाडौं, १ फागुन । प्रमुख प्रतिपक्षी दल नेपाली कांग्रेसले सत्तारुढ दल नेपाल कम्युनिष्ट पार्टी (नेकपा) का अध्यक्ष पुष्पकमल दाहालको अभिव्यक्तिमाथि आपत्ति जनाएको छ । बिहीबार नेकपाको पार्टी मुख्यालय धुम्बाराहीमा आयोजित जनयुद्ध दिवसको अवसरमा प्रचण्डले स्वर्गीय गिरिजाप्रसाद कोइरालाको नाम लिएर दिएको अभिव्यक्तिमाथि कांग्रेसले कडा आपत्ति जनाएको हो ।
पार्टी प्रवक्ता विश्वप्रकाश शर्माले आज साँझ विज्ञप्ति जारी गरी तत्कालीन माओवादीको नेतृत्वमा भएको हिंसात्मक विद्रोहलाई शान्तिपूर्ण अवतरण गराउन निर्णायक भूमिका निर्वाह गरेका नेता कोइराला दिवङ्गत भएको यतिका वर्षपछि उनँका सम्बन्धमा नेता दाहालबाट व्यक्त विचारप्रति असन्तोष व्यक्त गरेका छन् ।
