भक्तपुर, फागुन ९ । नेपाल मजदुर किसान पार्टी केन्द्रिय समितिले एमसिसीविरुद्ध काठमाडौंमा पदर्शन गर्ने भएको छ। काठमाडौंस्थित रत्नपार्कबाट जुलशसहित अमेरिकी राजदूतावासमा पुगेर ज्ञापनपत्र बुझाउने कार्यक्रम रहेको बताइएको छ।
पार्टी अध्यक्ष नारायणमान विजुक्छेले बिहीबार भक्तपुरमा भएको एक कार्यक्रममा फागुन १३ मा एमसिसीविरुद्ध प्रदर्शन गरिने जानकारी दिए।
उक्त प्रदर्शन कार्यक्रममा सहभागिताका लागि उनले सबैलाई आग्रहसमेत गरे। ‘एमसिसी देश र जनताको हितमा छैन, यसलाई कुनै हालतमा पनि पास गराउनु हुँदैन,’ उनले भने, ‘त्यसैले यसलाई रोक्नका लागि जनताको विरोध आवश्यक छ।’नागरिक दैनिकबाट
