काठमाडौं, ९ फागुन । युरोपा लिगअन्तर्गत् अन्तिम ३२ को पहिलो लेगको खेलमा आर्सनल विजयी हुँदा म्यानचेस्टर युनाइटेड बराबरीमा रोकिएको छ । बिहीबार राति भएको खेलमा आर्सनलले ग्रीसको ओलम्पिकाओसलाई १–० गोल अन्तरले पराजित गरेको छ ।
युनाइटेडले बेल्जियमको क्लब ब्रुगासँग बराबरी खेलेको हो । ओलम्पिकाओसको घरेलु मैदानमा आर्सनलललाई जित दिलाउन अलेक्जान्ड्रा लाकाजेटले विजयी गोल गरे । बुकायो साकाको क्रसमा ८१औं मिनेटमा फ्रान्सेली खेलाडी लाकाजेटले निर्णायक गोल गरेका हुन् ।
दोस्रो लेगको खेल आर्सनलको घरेलु मैदान इमिरेट्स स्टेडियममा हुनेछ । यस्तै, प्रिमियर लिग क्लब युनाइटेडले बेल्जियमका क्लब ब्रुगासँग १–१ गोलको बराबरी खेलेको छ । दोस्रो लेगको खेल युनाइटेडको घरेलु मैदान ओल्डट्राफोर्डमा आउँदो बिहीबार हुनेछ । एजेन्सी
