काठमाडौं, १८ फागुन । प्रमुख प्रतिपक्षी दल नेपाली कांग्रेसको भातृ संगठन नेपाल विद्यार्थी संघ (नेविसंघ) ले कमिशन प्रकरणमा मुछिएर मन्त्रीबाट राजीनामा दिएका गोकुल प्रसाद बाँस्कोटालाई कारबाही गर्नुपर्ने माग गरेको छ । उसले आज यही माग राखेर काठमाडौंमा प्रदर्शन समेत गरेको छ ।
नविसंघ त्रिचन्द्र क्याम्पस इकाइले आइतबार बिहान क्याम्पस अगाडि प्रदर्शन गरेको हो । प्रदर्शनमा सहभागीहरुले सरकारविरुद्ध नाराबाजी गरे । सरकारले भ्रष्टाचारलाई प्रश्रय दिएको र करको भार थोपरेको उनीहरुको आरोप थियो ।
