काठमाडौं, फागुन १९ । जल तथा मौसम पूर्वानुमान महाशाखाले आज देशको पहाडी क्षेत्रमा आंशिक बदली भइरहेको जनाउदै बाँकी भू–भागमा मौसम सामान्यतया सफा रहेको जनाएको छ ।आज दिउँसो देशको पूर्वी भू–भागमा आंशिक र सामान्य बदली हुने र पश्चिमी भू–भागमा आंशिक बदली रहने महाशाखाले अनुमान गरेको छ ।
आज देशका पूर्व र पश्चिमी पहाडका एक दुई स्थानमा मेघ गर्जन र चट्याङसहित वर्षाको सम्भावना रहेको पनि महाशाखाले जनाएको छ ।
त्यस्तै, रातिमा भने देशको पूर्वी क्षेत्रमा आंशिक र सामान्य बदली हुने र मध्य र पश्चिमी पहाडी भूभागमा आंशिक बदली हुनेछ । साथै, पूर्व पहाडी क्षेत्रमा र एक दुई स्थानमा मेघ गर्जन र चट्याङसहित वर्षाको सम्भावना रहेको पनि जनाइएको छ ।
